الاعداد النفسي للازواج

الإعداد النفسي للأزواج 

 بنصرف مئات الألوف على قاعة الفرح.. وبنستخسر ساعتين نجهز فيهم "النفسية" اللي هتعيش جوه البيت! 

الجواز مش بطيخة ومش نصيب بنخبط فيه بالفهلوة. الجواز هو أصعب امتحان نفسي هتدخله في حياتك، وللأسف أغلبنا بيدخل من غير مذاكرة، والنتيجة بنشوفها كل يوم في طوابير محاكم الأسرة، أو الأسوأ.. في البيوت الصامتة اللي عايشة في حالة "طلاق عاطفي وكأننا بنخرج زباين جدد للعيادات النفسية.

عشان كدة، بقدملكم المحاضرة الشاملة والمكثفة: 

الإعداد النفسي للزواج: خريطة النجاة من حقل الألغام

في المحاضرة دي مش هنقول كلمتين حلوين بتوع تنمية بشرية ولا هبيعلك وهم، إحنا هنمسك المشرط ونفتح غرفة العمليات عشان نفكك 4 عواميد شايلين أي بيت:

 المحور الأول: الشنطة السوداء وأنماط التعلق إنت داخل الجواز بشنطة مليانة كلاكيع من الطفولة؟ بتدور على سوبر بندق ينقذك ولا بتتحول لـ شمشون وتهد المعبد على اللي فيه لمجرد خلاف بسيط؟ هنعرف إزاي نصفي حسابات الماضي، ونعرف إحنا مين في لعبة القط والفار بتاعة أنماط التعلق.

 المحور الثاني: هندسة الاختيار وكشف الألغام هنسف خرافة الحب أعمى ونتعلم نختار بـ مثلث التوافق: القبول الشكلي، التوافق الاجتماعي، والقيم. وهديك رادار يكشفلك الـ Red Flags وعلامات الخطر عشان تعرف إمتى تقول يا فكيك وتهرب قبل الفاس ما تقع في الراس.

 المحور الثالث: إدارة الخناق وفرسان الطلاق البيوت اللي بتعمر مش اللي مفيهاش مشاكل، دي البيوت اللي بتعرف تتخانق بأمان. هعلمك إزاي تطرد فرسان الطلاق الأربعة اللي اكتشفهم علم النفس، وإزاي نرسم حدود للخلاف عشان منضربش بعض تحت الحزام.

 المحور الرابع: وحوش سنة أولى جواز عنق الزجاجة هندخل أهم سنة في عمر الجواز ونروض التلات وحوش اللي بيخربوا البيوت الجديدة:

1. صدمة غرفة النوم وفك شفرة الكتالوج المفقود بين الميكروويف والفرن الفخار.

2. تدخلات الأهل إزاي نطبق قانون وزير الخارجية ونحمي مجالنا الجوي.

3. الصدام المالي مين وزير المالية؟ وإزاي نمنع الخيانة المالية.

المحاضرة دي هي استثمارك الحقيقي عشان تبني سكن ومودة يعيش العمر كله، مش مجرد بيت كرتون يقع مع أول زلزال.