المقالات - بركان الانفعالات


عارف إن النرفزة والغضب وخروجك عن السيطرة مريح؟؟
 

تخيل إنك متغاظ من بني آدم قمت منفجر في وشه وطايح فيه، شيء مريح، بس له جوانب أخرى مؤذية فوق ما تتخيل..... وتعالى نستعرض مع بعض شوية أعراض جانبية للانفعالات:

 
* احتمال تعرضك لمشاكل صحية بيزيد جداً، وتخيل إن دة أخف الأضرار.
 
* انت في غضبك بتقول كلام ملوش تراجع، ويا عالم هتبقى خسايرك إيه، ومش كل الناس بتقدر تستحمل الكلام الجارح.
فيه كلام محدد لو طلع منك بيجرح الشخص اللي قدامك، وعمر العلاقة ما هترجع زي ما كانت تاني، بس المشكلة هنا إن عقلك الباطن هيقدم لك تبريرات كتير من نوعية {أصل هو اللي وصلنل للمرحلة دي} والتبرير بصراحة شيء مريح، ولكن دة مش معناه برضه إن جرحك له محصلش، ولما تهدى هتضطر تبذل مجهود عشان تعالج اللي عملته خلال انفعالاتك، ومش دايماً المحاولات دي هتنجح.
 
* أغلب القرارت اللي بناخدها خلال انفعالاتنا بتكون قرارت غلط، مبنية على طغيان الانفعالات على العقل، تخيل إنك بتاخد قرارت وأنت مخك في أجازة، كارثة مش كدة؟؟
 
* الانفعالات عبارة عن مغناطيس، بيجر ملفات من نفس النوع، يعني بالبلدي هتتعود على الانفعال في أغلب المواقف، ومخك هيتعود إنه يبطل يشتغل، وتقتصر وظيفته فقط على تقديم التبريرات والأعذار لانفعالك، يعني بدل ما يكون مخك بيشتغل بحرية وكفاءة، أنت حولته لمجرد آلة بتخدم انفعالاتك ويقدم لها الأعذار عشان تستمر.
 
* كل واحد بيقول على نفسه إنه ابن أصول وكويس وبيفهم في الأخلاق، لكن للأسف مش كل الناس رؤيتهم لنفسهم صح، اللي متعود على الانفعالات رؤية الناس له إن عنده حتت قليلة الأصل كتير، وبيكون عندهم حق نتيجة اللي بيسمعوه، وأكيد أنت مش حابب إنك تكون كدة.
 
يعني ببساطة التحكم في الانفعالات هي واحدة من أهم المهارات اللي يجب إنك تتعلمها وتتمكن منها كمان، لأن دة هيديلك القدرة على التركيز والاستيعاب وحسن التصرف وإنك تاخد حقك بالأصول والصح.
 
الحياة دور شطرنج بيفوز فيه الأهدى، والانفعالات بتحولها لماتش مصارعة محدش بيطلع منه كسبان، لأن الكل بيتضرب.
 
أحمد سمير
باحث في علم النفس الإيجابي

3


يجب تسجيل الدخول اولا لتتمكن من كتابة تعليق




التعليقات السابقة

Hind

04-02-2022

👍


1

محمد عصام

04-02-2022

❤️


0

Rasha Esmail

04-02-2022

طب ممكن خطوات بسيطه في ازاي اتحكم في انفعالاتي هل الانتباه لانفعالي يعتبر حل ؟


0

Rasha Esmail

04-02-2022

طب ممكن خطوات بسيطه في ازاي اتحكم في انفعالاتي هل الانتباه لانفعالي يعتبر حل ؟


0

Rasha Esmail

04-02-2022

طب ممكن خطوات بسيطه في ازاي اتحكم في انفعالاتي هل الانتباه لانفعالي يعتبر حل ؟


0

Emy🤍

04-02-2022

👌👌


1

Emy🤍

04-02-2022

👌👌


0